Bo’limlar

Tarix bo’yicha ma’naviy-ma’rifiy va o’quv-uslubiy adabiyotlarni ekspertizadan o`tkazish bo’limi;

Loyiha rahbari: Raximov Mirzoxid Akramovich

Raximov Mirzoxid Akramovich  07.00.01 – «O’zbekiston tarixi» hamda   07.00.15 –  «Xalqaro munosabatlar va tashqi siyosat tarixi» ixtisosliklari bo’yicha «Markaziy Osiyoda mustahkamlikni va barqaror rivojlanishni ta’minlashda  O’zbekistonning xorij mamlakatlari va xalqaro tashkilotlar bilan hamkorligi» mavzusida 2000-yilda nomzodlik va 2012- yilda doktorlik dissertatsiyasini himoya qilgan.
Ilmiy qiziqishlari doirasi – O’zbekistonning  zamonaviy tarixi va  xalqaro munosabatlari, Markaziy Osiyoda xalqaro va mintaqaviy hamkorlik muammolari. Uning tadqiqot natijalari O’zbekiston  hamda xorij mamlakatlarining o’quv  va ilmiy adabiyotlarida foydalanilib, aprobatsiyadan o’tgan. M.A.Raximov O’zbekiston, Germaniya, Avstriya, Buyuk Britaniya, Hindiston, Italiya, Qozog’iston, Niderlandiya, Rossiya, AQSh, Janubiy Koreya va boshqa mamlakatlarda e’lon qilingan 150 dan ziyod nashr ishlari muallifidir.  Jumladan u 2 mualliflik monografiyasiga ega, 16 jamoaviy monografiyada (11 tasi xorijda chop qilingan) hammuallif hisoblanadi. M.A.Raximov «Markaziy Osiyoda mustahkamlikni va barqaror rivojlanishni ta’minlash kontekstida  O’zbekistonning xalqaro hamkorligi» (2012) va «O’zbekiston va Markaziy Osiyo mamlakatlarini dunyoning yetakchi mamlakatlari bilan hamkorligi» (2016) nomli monografiyalar muallifidir. Bundan tashqari, uning muharrirligida 2015-yilda ingliz tilida «Markaziy Osiyo: masalalar,  muammolar va istiqbollar»  (Germaniya) va «Sharqiy va Markaziy Osiyoning tarixiy aloqalari» (Hindiston), 2018-yilda rus tilida «Markaziy Osiyoning eng yangi tarixi: nazariya va metodologiya muammolari» (Rossiya, Konrad Adenauer fondi bilan hamkorlikda) monografiyalari nashr etilgan. Shuningdek,  2015-yili M.A.Raximov Hindistonning «Himalayan and Central Asian studies»  jurnalini O’zbekistonga bag’ishlangan maxsus soniga bosh muharrirlik qilgan. 2018 yili uning muharrirligida «O’zbekistonning eng yangi tarixi» darsligi rus tilida nashr etildi.
2003–2018 yillar davomida M.A.Raximov Kembridj Universiteti, London Universitetining Sharq va Afrikani o’rganish Instituti (Buyuk Britaniya), Vashington, Jorjiya va Jon Xopkins Universitetlari (AQSh), Leyden Universiteti (Gollandiya), NATO kolleji (Italiya), Gissin, Belifild va Passau Universitetlari (Germaniya), Xokkaydo Universiteti (Yaponiya), J.Neru nomidagi hamda Mumbay Universitetlari (Hindiston), M.V.Lomonosov nomidagi Moskva Davlat Universiteti (Rossiya), The Centre d’Etude du monde russe, caucasien et centre-europen (CERCEC) CNRS-EHESS va boshqa muassalarda tadqiqot  safarlarida bo’lgan, ma’ruza tashriflarini amalga oshirgan.
M.A.Raximov Yevroosiyo tadqiqotlari bo’yicha Xalqaro assosiatsiyasi (CASC), Markaziy Osiyoni tadqiq etish  Yevropa jamiyati (ESCAS)  va boshqa uyushmalarning a’zosi hisoblanadi. Shuningdek, u «Journal of Eurasian Studies»  (Parij, Boston va Londonda nashr etiladigan)  va  «Korean Journal of Central Asia and Caucasus studies» (Seul, Janubiy Koreyada chop etiladigan)  xalqaro ilmiy jurnallarining tahrir hay’ati a’zosi.  U 50 dan ortiq xalqaro konferensiya, seminarlarda ingliz tilida chiqish qilgan.

Bo’lim mudiri: Abdimo‘minov Oybek Bektemirovich

Tarix fanlari bo’yicha falsafa doktori (PhD).
O‘zbekiston Respublikasining eng yangi tarixi, tashqi siyosati, ikki va ko‘p tomonlama xalqaro munosabatlari mavzularda tadqiqot olib boradi.
Oybek Abdimo‘minov 2005-2006 yy. “Kamolot” YoIHning “Kamolot”, 2006-2007 yy. O‘zbekiston Respublikasi Oliy va o‘rta maxsus ta’lim vazirligining “Navoiy” nomli davlat stipendiyasi, 2008-2009 yy. O‘zbekiston Respublikasi Prezidenti  davlat stipendiyasi sovrindori bo‘lgan. Oybek Abdimo‘minov 80 ga yaqin ilmiy maqolalar muallifi. Oliy o‘quv yurtlari uchun mo‘ljallangan “Новейшая история Узбекистана” darsligi hammualifi. Xitoy, Germaniya, Hindiston, Belorussiya va boshqa davlatlarida ilmiy safarlarda bo‘lgan.

Katta ilmiy xodim: Yuldasheva Guli Ismatullaevna

Siyosiy fanlar doktori (2006).
Geosiyosat va xalqaro munosabatlar, O‘zbekistonning Evropa Ittifoqi, AQSh, Xitoy, Rossiya, Eron, Turkiya, Saudiya Arabiston, Pokiston, Hindiston bilan aloqalari, Eron-Amerika munosabatlari, Markaziy Osiyo strategiyasi, mintaqaviy transport tizimi rivojlanishi, O‘zbekistonning zamonaviy siyosati, gender va migratsiya masalalari bo‘yicha ilmiy izlanishlar olib boradi
U qator xalqaro ilmiy konferentsiyalarda ishtirok etgan, qator grantlar sovrindori bo‘lgan. G.Yuldasheva 1998 yili Senday universitetining Islom tadqiqot markazida (Yaponiya), 1998-1999 yillari IREX dsturi orqali J.Xopkins universiteti Markaziy Osiyo va Kavkaz institutida (AQSh), 2001–2002 yillari Fulbrayt dasturi bo‘yicha Indiana-Blumington universitetida (AQSh) zamonaviy O‘zbekistonning rivojlanish xususiyatlari, Eron-Amerika munosabatlari mavzulari bo‘yicha ilmiy loyihalarni amalga oshirdi.
Yuldasheva Guli Ismatullaevna 100 dan ortiq ilmiy ishlar, jumladan 6 monografiya (3 tasi hammualliflikda), 3 darslik va o‘quv qo‘llanmalar muallifi. 2017 yili “Markaziy Osiyoning geosiyosiy rivojlanishi: Eron va AQSh” nomli monografiyasi nashr etilgan.

Kichik ilmiy xodimi: Burieva Xayriya Amanullaevna

Tarix fanlari nomzodi, dotsent (2007.)
Tarixiy toponimika, manbashunoslik, arxivshunoslik, tarixiy fanlar o‘qitish uslublari sohalarda faolyait olib boradi. O‘zbekiston tarixining dolzarb muammolari, Toshkent shahrining tarixiy toponimiyasi, tarixiy, arxivshunoslik, hujjatshunoslik, tarixiy-toponimik tadqiqotlar usullari, O‘zbekiston arxivlari hujjatlaridagi tarixiy materiallar bo‘yicha respublikas va xalqaro konferentsiyalarda muntazam ishtirok etib keladi. Burieva Xayriya Amanullaevna 2 ta monografiya, 1 ta uo‘quv qo‘llanma, 4 ta o‘quv-uslubiy qo‘llanma, 70 dan ziyod ilmiy maqola muallifi.

Ilmiy tadqiqotlarni tashkil etish va o’quv, ilmiy-metodik adabiyotlarni tayyorlash bo’limi

Bo’lim mudiri:  Usarova Feruza Xolmatovna 

Feruza Xolmatovna Usarova – siyosiy fanlar nomzodi. U “Globallashuv sharoitida O‘zbekiston Respublikasi tashqi siyosatining milliy-g‘oyaviy negizlari” mavzusida nomzodlik dissertatsiyasni himoya qilgan.(2009)
F.X.Usarova ish faoliyatini 1993 yilda SamDU “Tarixshunoslik va manbashunoslik” kafedrasida katta o‘qituvchi lavozimidan boshlagan.
2000–2018 yillarda Jahon iqtisodiyoti va diplomatiya universitetida dotsent va kafedra mudiri lavozimlarida ishlagan.
80 dan ortiq ilmiy maqola va tezislar, 2 ta monografiya, 1 ta patent, 25 dan ortiq o‘quv va uslubiy qo‘llanmalar muallifi.
U qator xalqaro ilmiy konferentsiyalar (AQShning Shimoliy Charlьston, Janubiy Karolina va Stenford universitetlari, 2016) va xalqaro miqyosdagi grantlarda ishtirok etgan. Xususan, 2015–2018 yillar davomida “O‘zbekiston Respublikasi Birinchi Prezidenti Islom Karimov zamondoshlari xotirasida” nomli amaliy grant tadqiqotida va A-1-039 raqamli “Yoshlarni ijtimoiy faolligida intellektual salohiyat mexanizmlarini takomillashtirish” mavzusidagi loyiha, hamda xalqaro Evropa Ittifoqining TEMPUS dasturi doirasidagi «Innolab» loyihasi a’zosi bo‘lgan.
U shu kunga qadar O‘zbekiston Respublikasi xalqaro munosabatlarini mustahkamlashda millatlararo totuvlik va mafkura g‘oyalarining roli bilan bog‘liq yo‘nalishlarda tadqiqot olib bormoqda.
F.X. Usarova O‘zbekistonning eng yangi tarixi masalalari bo‘yicha Muvofiqlashtiruvchi-metodik markazda 2018 yilning noyabridan boshlab ishlab kelmoqda.

Katta ilmiy xodim: Aberqulov Dilshod Nurbayevich

Dilshod Nurbayevich Aberqulov – Tarix fanlar nomzodi.  A.Navoiy nomidagi Samarqand davlat universitetini (1994), SamDU kunduzgi bo‘lim aspiraturasini (1998) tamomlagan. U 2002-yil “Дехканство Туркестана в 1917-1921 годах (На материалах Ферганской, Сырдарьинской и Самаркандской областях)” mavzusida nomzodlik dissertatsiyasni himoya qilgan. D.N.Aberqulov ish faoliyatini 1994 yilda SamDU o‘quv bo‘limining laborant lavozimidan boshlagan. 1995-2017 yillarda SamQXIda o‘qituvchi –dotsent va kafedra mudiri lavozimlarida, 2018-2019 yillarda Jahon iqtisodiyoti va diplomatiya universitetida katta o‘qituvchi lavozimida ishlagan. 35 dan ortiq ilmiy maqola va tezislar muallifi.
Dilshod Aberqulov O‘zbekistonning eng yangi tarixi muammolari, O‘zbekiston Respublikasi ikki va ko‘p tomonlama aloqalari tarixi, siyosatda tarixiy faktlarning o‘rni va roli bilan bog‘liq yo‘nalishlarda tadqiqot olib bormoqda.   D.N.Aberkulov O‘zbekistonning eng yangi tarixi masalalari bo‘yicha Muvofiqlashtiruvchi-metodik markazda 2019 yildan boshlab ishlab kelmoqda.

 Kichik ilmiy xodim: Аbdusattarova Nargiza Baxtiyorovna

N.B.Аbdusattarova ish faoliyatini 2000 yilda Jizzax viloyatida tarix fani oʼqituvchisi lavozimidan boshlagan.
2005–2007 yillarda Oʼzbekiston Milliy Universiteti magistratura yoʼnalishida tahsil olgan. 2010-2013 yillarda 1-son Toshkent pedagogika kolledji oʼqituvchisi boʼlib ishlagan. 2013 yildan boshlab Jahon Iqtisodiyoti va diplomatiya universitetida oʼqituvchi lavozimlarida ishlagan.
20 dan ortiq ilmiy maqola va tezislar, 2 ta xalqaro maqolalar muallifi.
U qator ilmiy konferentsiyalarda ishtirok etgan.
N.B.Аbdusattarova Oʼzbekistonning eng yangi tarixi masalalari boʼyicha Muvofiqlashtiruvchi-met odik markazda 2019 yilning yanvaridan boshlab ishlab kelmoqda.
N.B.Аbdusattarova 1 ta oʼquv qoʼllanma, 30 dan ziyod tezis va ilmiy maqola muallifi

O’zbekistonning eng yangi tarixi masalalari bo’yicha xorij tadqiqotlari analizi va monitoring bo’limi

Bo’lim mudiri : Aminov Bobur Bomuradovich

Aminov Bobur Bomuradovich 1998- yilda «Janubi O’zbekiston epigrafik yodgorliklari tarixiy manba sifatida (XV-XX asr)» mavzusida,   tarixshunoslik, manbashunoslik va tarixiy tadqiqot uslublari  mutahasisligi 07.00.09 – bo’yicha nomzodlik dissertatsiyasini himoya qildi.
Uning ilmiy qiziqishlari manbashunoslik, genelogiya, epigrafika, tarixshunoslik kabi sohalarga yo’naltirilgan. Shuningdek , uning ilmiy qiziqishlari doirasiga tarixiy qo’lyozma asarlarni,  hujjatlarni va tarixiy adabiy asarlarni  rus va o’zbek tillariga  tarjima qilish ham kiradi. Uning asosiy ilmiy tadqiqotlari natijalari O’zbekiston va xorij mamlakatlari ilmiy nashrlarida chop  etilgan. Ularga  sharq tillaridan tarjimalar, ilmiy jurnallar, , ilmiy  to’plamidagi maqolalar, risolalar  kiradi. B. Aminovning 70 dan ziyod ilmiy asarlari quyidagi tillarda chop etilgan: o’zbek, rus, ingliz, fransuz  va turk. Fransiya, Niderlandiya, Turkiya, Germaniya, Janubiy Koreya, Italiya, Shvetsariya, Qozog’iston, Rossiya kabi mamlakatlarda nashr etilgan.
B.Aminov  xorijda, Fransiya, Eron, Turkiya kabi mamlakatlarda ilmiy tajriba orttirdi. Epigrafik va manbashunoslik bo’yicha Sorbonna IV  Universitetida (Parij, 2009), Bordo III (Bordo, 2002, 2006),  Mayis Universiteti (Istanbul,2015), Leyden Universiteti (Leyden, 2016), Koch Universiteti qoshidagi Anatoliya sivilizatsiya Markazi (Istanbul, Anqara, 2014-2015), Nijegorod tilshunoslik universiteti( Nijniy Novgorod, 2011),  Aktyubinsk universiteti (Aktyubinsk, 2012,2015) va boshqa joylarda  maruzalar o’qigan.

Katta ilmiy xodim : Allamurodov Bekmurod Xolmurod o`g`li

Allamurodov B. Jahon iqtisodiyoti va diplomatiya universitetining «Xalqaro munosabatlar» fakultetini 2016-yil tamomlagan. 2017-2018-yillar davomida Jahon iqtisodiyoti va diplomatiya universitetining «Ijtimoiy-gumanitar fanlar» kafedrasida kabinet mudiri lavozimida faoliyat yuritgan. 2018-2019-yillar oraligida "Fuqarolik jamiyati" jurnalida  muharrrir sifatida faoliyat yuritgan. 2019-yilda Jahon iqtisodiyoti va diplomatiya universitetining "Xalqaro munosabatlar va Tashqi siyosat" mutaxassisligi bo`yicha magistrlik darajasini olgan. Ilmiy qiziqish doirasi- Xalqaro munosabatlar tarixi, O`zbekiston Respublikasi tashqi siyosati, Yaqin Sharq va Turkiyadagi siyosiy jarayonlar.

Tayanch doktorantlar
Choriyeva Dilorom Abdumuminovna

O‘zbekiston Milliy Universiteti tarix fakulteti bakalavriati (2001) hamda magistraturasini (2003) tamomlagan. 2003-2012 yy. – O‘zR Prezidenti huzuridagi Davlat va Jamiyat qurilishi akademiyasida I toifali mutaxassis, kabinet mudiri, bosh metodisti lavozimlarida faoliyat yuritgan. 2012-2015 yy. –Toshkent matbaa-noshirlik kasb-hunar kolleji katta o‘qituvchisi. 2015-2016 yy. – O‘zR Oliy va o‘rta maxsus ta’lim vazirligi huzuridagi O‘zbekistonning eng yangi tarixi masalalari bo‘yicha Muvofiqlashtiruvchi-metodik markazning ilmiy-tadqiqot ishlarini tashkil qilish va o‘quv, ilmiy-uslubiy adabiyotlar tayyorlash sektorida yetakchi mutaxassis.

2017 yildan buyon – O‘zR FA huzuridagi O‘zbekistonning eng yangi tarixi masalalari bo‘yicha Muvofiqlashtiruvchi-metodik markazining tayanch doktoranti. Hozirda u “O‘zbekistonda madaniyat sohasidagi boshqaruv muassasalari faoliyati (1991-2016 yillar)” mavzuida PhD dissertatsiyasi ustida ilmiy izlanishlar olib bormoqda. D.Choriyeva o‘zining ilmiy izlanishlari davomida O‘zbekiston tarixining siyosiy, ijtimoiy-madaniy sohalariga oid muammolarga bag‘ishlangan qator risola, ilmiy maqola va tezislar muallifi.